AGRO NOSO
A Asociación Agrogandeira e de Desenvolvemento Rural “AGRO NOSO”, é unha asociación profesional de libre afiliación e sen ánimo de lucro, constituída ao amparo da Lei Orgánica 1/2002, de 22 de marzo, reguladora do dereito de Asociación, con ámbito territorial de actuación da Comunidade Autónoma de Galicia, encamiñada a promover e realizar actividades relacionadas co sector agrícola, gandeiro e forestal.
A asociación «Agro Noso» ten como obxectivos, entre outros, a promoción e defensa do desenvolvemento rural e agrícola, co fin de potenciar os mercados e o consumo local.
Para isto encárgase do estudo e resolución dos problemas comúns dos seus socios e socias, e desenvolve actividades de promoción cultural e formativas para mellorar a calidade de vida da comunidade rural.
Ademais, a asociación ofrece servizos de información e asesoramento aos seus membros en relación á agricultura, gandaría e explotacións forestais, e realiza estudos e promove proxectos para mellorar o desenvolvemento rural.
De xeito xeral, a asociación busca traballar en pro dos intereses comúns dos veciños e veciñas, e realizar actividades que sexan beneficiosas para a comunidade.
